腳本：
Ep2 橫直無人欲返校
Ｐ：欸，韶的，人攏有想15秒的opening呢
Ｓ：15秒？人攏30秒啦，你是時間管理大師採花蜂喔，連30秒攏嫌長？
OPENING：Etude Op. 10, no. 1 in C major - 'Waterfall' by Frédéric François Chopin
ENDING: 烏白彈的。
＿＿＿＿
Ｓ：欸，柏的，咱這改啥物意見攏無收著，是毋是根本就無人咧聽？
Ｐ：啊，蓋成是呢，橫直嘛無人咧聽啊
若無咱就來講，咱最近創啥啊
Ｓ：最近喔，我拄看完電視版的「返校」，你敢有看？
Ｐ：有啊，就是彼齣按電動改編的「返校」
聽講電視劇和電影是仝時期開始製作的
只是電影出來較早
Ｓ：原來如貓。
啊咱講這，敢愛洩漏劇情？
Ｐ：袂啦，橫直無人咧聽咱的節目
啊逐家也是袂去看「返校」
Ｓ：按呢喔，我就來講我一个發現
就是張老師欲予人掠去槍決進前
伊和魏仲廷佇花壇附近講話
然後伊有講一段話
「故鄉的田地和山野，隨時都有我的魂魄」
其實這段話，是鄒族原住民的頭人高一生
用日語寫予伊的牽手和囝兒的手尾字
劇組真用心，共這段話編做張老師死前的口白
Ｐ：哎，聽甲我心酸酸（ＢＧＭ：心酸酸）
戒嚴時期實在予人恐怖……
誒誒，等呢啦，你講這
敢袂傷沈重？
咱嘛免講遐濟
講甲傷深，一般人也聽無啦
也哺袂落啦
Ｓ：好啦，若無換你講
講予人吞會落腹的內容啊……
Ｐ：我喔，我看完「返校」，上大的感想就是
內底有真濟角色攏是「粕男」
粕寫作漢字就是一个米，一个白
就是米糠脫殼，酒糟米糟
人無愛tih的物件，叫做的粕（韶ＢＧＭ：親像咱的節目喔）
華語就叫做渣男啦
啊就華語有一个詞叫糟粕啊，糟粕就是激酒、發酵偆落來的「渣渣」，比喻無人欲挃的物件。有一條詩就講伊讀佛經，讀到「楞嚴經」（lêng-giâm）的時
Ｓ：哭喔，無重要啦
無人想欲知影華語欲按怎講
其他家己去查啦
你講粕男喔，我隨想著內底彼個查埔老師「沈華」
這个沈華，
根本就是粕男的代表
粕男，去抱lan7
你聽，這句話！
聽起來外有氣口
真正是撟人的話呢
會使加唸幾改呢
粕男，去抱lan7！
粕男，去抱lan7！！
粕男，去抱lan7！！！
Ｐ：欸，這這這，按呢敢好？
咱的節目，毋是講囡仔大細攏會使聽？
Ｓ：哎唷，若有人反應才知影有人咧聽啊
我紲落來欲講伊按怎粕啦
就是頭起先
伊若親像一个愛著較慘死
為著所愛的人
啥物攏會使付出
看起來斯文捌禮 風流飄撇的人
親像是咧牽教學生
牽咧牽咧 手就牽起來
結果有一日
佇一个四下無人的圖書館（日語）
就欲共人幹
褲就褪落來
欸哭，你是咧配啥物ＢＧＭ啦
這款劇情敢適合這種ＢＧＭ！？
Ｐ：無啦我看你講甲真激動
配一个ＢＧＭ共你安搭一个
而且咱才第幾集就按呢
人敢會當做咱兩人頭殼攏袋這
Ｓ：袂啦，阮母仔聽甲遮
定著笑甲kah kah叫
總講一句啦，
這个沈華，
這就是猴穿衫猶是猴
我猶未講了的呢
Ｐ：嗯講啊
Ｓ：紲落來
故事來到這个沈華欲來請出伊彼紅和尚頭
（柏宇配樂）
幹，你又閣咧彈彼條，莫閣彈啊喔！
Ｐ：嘻嘻嘻好啦
Ｓ：橫直齁，沈華落尾毋承認伊準備共人草踏
閣怪講，攏是彼个查某共伊拐
毋過閣來就是劇組奸巧的所在
內底有安插一段劇情
表達出沈華猶是有愛過彼个女主角
（ＢＧＭ：想著彼个人 心肝挐氅氅 不知露水重
咱愛情到無~望 沉落吊到 只有看破）
Ｐ：哀，淡水河無蓋蓋啦
掠準粕男跳入去猶是粕男呢
毋過，真正是好種毋傳歹種不斷，歹竹出歹筍
伊的老爸「沈復」嘛粕男啊！
對朋友不義、對頂司不忠
伊陷害檢舉校長
認為所有的人攏會使犧牲
連後生嘛提去跋 交換好處
身軀邊的人，全部是兵仔和卒仔，會使來奕
連彼个佮伊褲帶結相連Khòo-tuà kat sio-liân的兄弟
白國鋒 白教官嘛通放捒
沈復用反攻大陸的甜言蜜語
欺騙白國鋒的感情
替伊為非糝做
掌握大權、控制學校
Ｓ：白國鋒用情誠實深呢。
我就知影，你若去看「俘虜」
就知影男兒中間，彼種深甲毋願承認的感情呢
Ｐ：好矣啦，莫閣幻想啦
咱毋是咧講粕男？
粕男去抱lan7啦！
我知影有一个上大尾的
逐家相爭欲共伊抱lan7
伊嘛上愛予人粕男
伊文文仔笑
笑甲你心內會著驚
伊若親像無所不在
徛佇遐共你gaze ～～～ZZ
Ｓ：gaze是啥潲
Ｐ：拉康的gaze，後來傅科使用的彼個GAZE，華語應該是翻作「凝視」金金相、金金看！拉康上有名的就是人的主體性是倚靠「照鏡」來完成的...
Ｓ：幹你這跤冊櫥仔，好通關起來喔，無人沒
Ｐ：伊就是會佇任何所在
掠你金金看（ＢＧＭ：拿出著你的相片金金看 希望阿母你毋通受風寒）
這个人佇台灣歷史上
頂港有名聲，下港有出名
閣會使青天白日之下
佇愛國東路彼搭
臺北的市中心
坐甲穩觸觸
掠準欲請伊落來，
尻川猶是牢佇遐！
這个人，佇斯當時
紅珠毛筆劃落去
註生判死攏在伊
毋但敵人總刣死
朋友家伙攏毋挃（tih8）
「寧殺錯，不放過」
寧可我負天下人
不可天下人負我
（Ｓ：（牽亡歌）蔣仔介仔石仔，良心予狗仔哺去啊，
共台灣人仔刣甲無賰半个哩囉喔～
落仔地獄嘛無夠賠喔
後代這馬猶是活甲真好勢喔
當初若會無規氣死佇中國喔）
到某一寡時節
有人會去拜
就有人去共潑漆
有人講這是政治ATM
aka automated teller machine
墓仔埔遐大間
山頭猶閣規大坪
到今閣有軍隊咧鎮守（siu5）
的彼个＿＿＿＿＿＿＿
Ｓ：啊好矣啦，你是咧唱布袋戲抑是歌仔戲
閣唱這款內容，敢有人聽有？
欸……我承認啦
這集真正有夠困難的啦
我今也開始煩惱咱的聽眾……
Ｐ：啊chì-chāi in啦
啥物人是管thâi伊姓蔣抑是毛
干焦文組的漚潲爛骨會要緊啦
Ｓ：嘿啊，悲哀喔。
